Dukure ingofero

broder-une-etoile-maillot-foot.jpg

Nyuma yo kwegukana igikombe cy'isi cya ruhago, Abafaransa bahise bashyira inyenyeri ya kabiri kuri maillots zabo; aho ni umusore (19) Kylian Mbappé uri kwerekana umupira we uko bazitatseho.

 kylian-mbappe-sur-le-toit-du-monde_231874.jpg

Abakinnyi b'Abafaransa batwaye igikombe cy'isi bazahabwa buri wese akayabo k'amaeuro hafi 400 000. Nicyo gihembo FIFA ishyirahamwe mpuzamahanga ry'umupira w'amaguru ryabageneye. Buri wese azahabwa 30% bya miliyoni 32 n'igice

Imishahara ya benshi muri abo bakinnyi irengeje kure ayo ngayo ku buryo hari bamwe nka Kylian Mbappé (afata buri kwezi ibihumbi 850 muri Paris Saint Germain) barangije kuvuga ko bazayihera amashyirahamwe afasha abagira duke two kwibeshaho cyangwa yita ku bantu ngo bagire noheri nziza nk'abandi.

Ababiligi batabashije gukina umukino wa nyuma w'irushanwa, bo bahawe miliyoni 20 n'igice nabo bakazayagabana. 

primes.PNG

Ayo mafaranga ntaho ahuriye n'ibihumbi 30 490 abakinnyi ba Sénégal bo bahawe bakirangiza imikino yabo mu Burusiya. 

senegal-2-696x457.jpg

Urestse rero ishema bavanamo cyangwa amahirwe yo gushakwa/kureshywa n'andi makipe, abakinnyi kabuhariwe baseruka mu gikombe cy'isi cya ruhago batahana akayabo k'amafaranga.

luzhniki-stadium-moscou-stade_h3xfu1y6c1sl18h7knqbfmp67.jpg

 

Umuntu utarahigereye ntazatwifatire : azabyicuza! Kuko igitaramo twatumiwemo kuri Birmingham Palace cyari imboneka-rimwe. Iyo salle yari yuzuye ku buryo imyanya yicarirwa yose yari yashize, yewe no muri VIP.

Urubuga rwabanje guhabwa abacuranzi bakoze "première", byo gushyushya salle mbere y'abahanzi b'umunsi.

Salle imaze gufata agashyuhe, Chouchou Mihigo yarinjiye si ukuvuza guitare maze arayivugisha, akongeza salle mu ndirimbo ze nka Umulisa; Yatangije ingoma ya N'Goma Oliver n'amagambo "Bane mangnu saka nane no nuema Bulungue sanzi bu va yene sanzi", salle iragurumana kubera iyo zouk ya zilizopendwa (karahanyuze).

  

Abantu barabyinnye maze couple ku yindi baza kuzura piste bayiteraho Grignon wari wayihariye kugeza ubwo. Chouchou ariko yakoze kuri sentiments za benshi ubwo yasubiragamo Imagine ya John Lennon maze ayisoza mu buryo jazzy... La crème.

Abantu bakiri mu kumaramo uburyohe bw'iyo interprétation, Makanyaga aba arinjiye maze atera "Nshatse inshuti", "Urukundo Ni Indwara Y'umutima", "Elisa Chérie" akurikizaho n'izindi ndirimbo ze zatumye benshi basura agace k'imitima yabo kabitse nostalgie.  

Pause yagizwe na tombola yakoreshejwe na RwandAir maze abanyamahirwe barimo n'umwerakazi umwe begukana amatike y'indege azabashoboza kwigira mu misozi igihumbi bakagaruka cyangwa bakazerekeza ahandi RwandAir igera.

Nibwo rero "babandi" binjiye maze ibyo bakoze sinzi amagambo yabisubiramo uko umuntu yayapanga atavanze indimi. Elles sont venues, elles ont vu et elles ont conquis (le public). Niko umuntu yagenekereza mu ruzungu. Charlotte na Fatuma (Charly na Nina) bakongeje salle irashya byo gushya!

Mbere y'uko bagera ino abantu benshi bandikiraga shuguli.com bayibwira ko concert live atari ibintu babasha. Nabo rero mu kunyomoza izo mpuha bararirimba barabyina maze batwika salle. Kuyishumika ariko. Indirimbo zabo hafi ya zose, ndetse na "I Do" bakoranye na Bebe Cool ariko barabyinnye b'anima igitaramo ku buryo...

Abagira ngo ni amakabyankuru bazabaze inkumi ebyiri zuriye kuri scène zikanga kuhava kugeza Charly asabye sécurité gukora akazi kayo. Byari "fire", umuriro. Nyuma barangije twabasanze muri loge tubabaza ibibazo byinshi ku muziki wabo, iyo interview muzayisoma vuba aha. 

  

Reba andi mafoto hano

Ndiki Ben Kitala (iburyo) n'umwanditsi mukuru wa Shuguli.com

Intambwe yoroshye ariko yihuta, mugufi nka mbere ariko imyaka ikaba imujyanye, Ndiki Ben Kitala wahoze ari rutahizamu wa Rayons Sports yinjiye aho twagombaga kurebera umupira twembi umugoroba U Bufaransa bukina n'U Butaliyani umukino wo kwitegura igikombe cy'isi gisigaje iminsi mike kigatangira.

Mu kinyabupfura cyinshi yaraturamukije, aricara ngo tuganire tunareba uwo mupira. Kuganira ariko na Ndiki, kimwe n'abantu bose bamamaye biragorana kubera utaboba aho uhera mu buryo bworoshye. Byatumye tumubaza niba azi ko yigeze kwandikwa mu bitabo by'igifaransa by'amashuri yisumbuye mu mwandiko (texte) abanyeshuli bigaga muri za 80.

Yaratangaye cyane ati ibyo nkomeje kubyumvana abantu benshi ati ariko nkiri mu gihugu nta muntu ushinzwe iby'uburezi wigeze abimbwira. Ubwo rero tuba tubonye aho inkuru zitangirira, Ndiki mu kuvangavanga indimi (ikinyarwanda n'igifaransa) atubwira uko yaje mu Rwanda akiri muto aje kwiga muri kaminuza y'i Butare ariko bourse itinze kuza yigira i Nyanza abifashijwemo n'umwe mu bacuruzi bakundaga Rayons Sports icyo gihe.

Ubwo bari bamubonye agaragaza ubuhanga bwe mw'ikipe ya kaminuza ni uko uwo mucuruzi ajya kubwira Rayons ati uyu ni abacika abandi bazamubatwara. Ndiki ati ng'uko uko urukundo rwanjye n'igihugu cy'uRwanda rwatangiye kugeza mpashakiye umugore tukabyarana abana ndetse iwacu muri Kongo bagatangira kujya banyita uw'i Rwanda.

Twaboneyeho kumubaza igituma benshi bari bazi ko akomoka muri Angola ati ibyo bihuha sinzi iyo byaturukaga ati wenda ni uko nari mfite inshuti zikomoka muri icyo gihugu kandi nkazitaho by'umwihariko kuko zari zivuye mu gihugu icyo gihe cyarimo intambara ikaze. Ndiki yakinaga ruhago anakora muri GTZ ishami ry'ubutwererane ry'Abadage.

Yavuye mu gihugu muri 1985 aza kukigarukamo ari umutoza. Ubu yibera mu Bubiligi, mu mujyi wa Chatelet. Twarganiraga tunareba umupira ariko ukabona ujisho ry'inzobere rigityaye.

Ndiki yatuganirije byinshi cyane kuri shampiyona yakinnye, kuri bagenzi be nka ba Juma Para, Pokou Dusenge, ba Longin, n'abandi. Yanatubwiye izindi souvenirs nyinshi ku gihugu cyacu, inkuru irambuye ni kuri shuguli.com vuba aha.

rayon1990.jpg

Ikipe ya Rayon muri za 90

shug.pngfooter.gifshug2.png