Ifoto y'umunsi

images (1).jpg

Nkimwumva bwa mbere nagize ngo ni nyakwigendera Peter Tosh uri kuririmba ariko nkibaza izo ndirimbo ze zisohotse we atakiriho bikanshobera. Byari ibihe by’amakasete CD zitarabaho. Nari nkiri muto uyu wiga mu mashuli yisumbuye. Mu nterina ntibatumaga twumva radiyo kenshi uretse mu mpera z’icyumweru nibwo ibiganiro bidagadura twabikurikiranaga cyane cyane indirimbo zasabwe cyangwa se ibindi biganiro by’insamirizi y’igihugu cy’abaturanyi.

Buhoro buhoro rero indirimbo za Philip Lucky Dube zitangira kwamamara ndetse n’inyamakuru by’abanyaburayi nka Super nasomaga cyane bitangira kujya bimuvuga nk’umunyamuziki wamamaye cyane muri Afurika y’epfo hamwe na Johnny Clegg, Yvonne Chaka Chaka na… Miriam Makeba. Amateka ya Dube nibwo atangiye kujya ahagaragara.

Kasete videwo ye ariko yitwa The Man & The Music yasohotse mu mpera za 90 niyo isa n’iyashyize ubuzima bwa Dube ahagaragara. Avaugamo uko yavutse, uko yakuze, uko yarezwe na Nyirakuru, uko yatangiye umuziki n’ingorane yahuye nazo, akavuga ivanguramoko uruhare n’ingaruka byagize ku muziki we.

Kuri uyu munsi tuzirikana imyaka 16 amaze atabarutse, reka mwiyumvire, mumwibuke (ungikhumbule nk'uko yabyivugiraga mu rurimi rwe, ikizulu) :

Metero imwe na mirongo inani na kabiri, imyaka 24, Samuel Umtiti ukomoka mu gihugu cya Kameruni akaba yarageze mu Bufaransa afite imyaka itanu gusa niwe ufashije bagenzi be gusezerera Lukaku n'iandi mashitani atukura bari bafatanije guharanira igikombe cy'isi kiri kubera mu Burusiya.

Umtiti rero yarindiriye umunota wa 51 kugira ngo asimbuke gusumba bose maze yinjiza n'umutwe umupira waruterewe mu nguni (corner) na mugenzi we Antoine Griezman...

umt.jpg

26952530_191511108251252_6834715593743507310_o.jpg

bob-marley-1979-michael-ochs-archives-getty-images.jpg

Bob Marley ni umwe mu bihangange mu muziki kw'isi hose. Yatumye umuziki w'iwabo muri Jamayika (Jamaïca) hamwe n'inkubiri ya rastafari bijya ahabona, birakundwa kandi biyobokwa na benshi.

N'ubwo hashize imyaka 37 yose atabarutse, urukundo afitiwe ntirujya rugabanuka na gahoro.

Ni mu gihe kuko Bob Marley yavugiraga abatagira uruvugiro kw'isi nko mu ndirimbo ze zamamaye cyane nka "Get Up Stand Up", "Everything's Gonna Be Alright", "No Woman No Cry", "Zimbabwe"... Zose zabaga zirimo ubutumwa buhamagarira abantu kwipakurura akarengane na munyangire.

Robert Nesta Marley yakundaga umugabane abasogokuruza be (ku ruhande rwa nyina) bakomokagaho, ariwo Afrika. Muw'1975 nibwo yahimbye « Jah Live ». Ubwo kuri album "Exodus" yasabaga ko abantu bagaruka muri Afrika biti ihi se ku mico y'abakurambere maze abantu bakiyambura ubu"babiloni', ni ukuvuga kwigana uruzungu kugeza ku musokoro. 

Mugenzi we Peter Tosh ndetse na nyuma yabo Lucky Dube bigeze kuririmba ko nta mu rasta upfa (Rasrtas never die); nibyo kuko iteka iyo reggae icuranzwe ni Bob uba yumvikana mu bundi buryo. yasize indirimbo nyinshi cyane kandi zose z'ibikamba zirimo nka "Mix Up Mix Up", nka "Stir It Up", "I Know A Place", n'izindi n'izindi.

"Nyina w'abarasta" (nk'uko bamwe batumvaga neza amagambo y'indirimbo "Bad Card" bamwitaga, mu by'ukuri yari nka Papa w'i roma ariko ku ba Rasta)  yazize indwara ariko benshi bemeza ko yagambaniwe na CIA kubera ubutumwa bw'indirimbo ze zakanguraga mu buryo efficace abirabura n'abandi gashakabuhake yabaga abangamiye kw'isi.

Bob yasize abana benshi barimo abaririmba nkawe: Ziggy Marley na Stephen Marley ariko umuntu yavuga ko hari n'abandi bana spirituels yasize. Nk'ubu Rihana yatangaje ko album ye itaha izaba ikoze mu njyana ya reggae ndetse ko izumvikano indirimbo zimwe za Nyakwigendera.

 

shug.pngfooter.gifshug2.png