Mu Mahanga

df504.jpg

Batangiye ababareba bibaza niba batari butsindwe na Krowasiya ariko bamaze gutsinda ibitego bibiri, abafaransa babaye nk'abanyoye ya potion magique ya Astérix maze agakipe barakihererana bagapfunyikira bine kuri bibiri.

Krowasiya n'ubwo  irangirije ku mwanya wa kabiri ariko yagaragaje ko kugera muri finale atari ibyago byabagwiririye. Umukino wabo washimishije kurusha uw'abatwaye igikombe ariko foot ni n'imibare, france ikaba yagize bine nyine yegukana intsinzi.

Uwitwa Hugo Lloris we ntazigera yibagirwa uwitwa Mario Mandzukic. Azajya amwibuka yibuke ubupfayongo bwamuviriyemo igitego. Ni aho mu myaka ine...

 direct-la-france-est-championne-du-monde.jpg

https://twitter.com/i/status/1018542738965516289

WhatsApp Image 2018-06-10 at 18.49.59.jpeg

Bamaze ibyumweru nka bibiri babipanga maze mu mpera z'icyumweru gishize (kuwa gatandatu), baba barahuye ngo basezere ku busore bwa Paul Kanyarwanda.

Byasaga n'umuhuro ariko ntibyari wo, byakurikije umuco wacu n'ubwo uruzungu rutabuze kwitumira mu muhango. Koko rero inkumi n'abasore b'inshuti za P. Kanyarwanda bahisemo kubahiriza ubukwe bwa mugenzi wabo bugiye kuzabera i Kigali muri iyi mpeshyi.

Abenshi rero kubera gahunda zitazatuma bakora urugendo rwo kubutaha, bahisemo gusangira nawe bwa nyuma ari umusore w'ingaragu kuko ubwo azahindukira aazaba ari umugabo mu bandi. Byabereye rero mu cyumba cy'ibirori kiri ahitwa Anderlecht (avenue du soldat brirannique), mu murwa mukuru Bruxelles.

Abantu barenga 60 bahereye saa kumi n'ebyiri bageza saa sita z'ijoro basabana ari nako bifuriza mugenzi wabo kuzagira urugo ruhire. Mu muco mwiza w'i Rwanda ariko buri wese niko yikoraga ku mufuka agaha ibahasha umuntu wari ushinzwe kuzayishyikiriza ku mugaragaro uwo mugeni.

Byose byabaye muri ambiance yo gufata ifunguro no kubyina akaziki uwari Dj w'umunsi (Gisèle) yari yapanze ndetse mu jisho rya gafotozi (Louise) wari hose. Abo mu "Mutaka" (Umbrella) nabo batanze ikirahure nyuma yo gufungwa kw'icyo cyumba. Ibyishimo no gusabana bikomereza ubwo muri After party.

Abandi babonereho, icyo gikorwa cyiza cyibutsa umuco ntikizabe icya nyuma. Ubuyobozi bwa shuguli.com buboneyeho kwifurijza abageni ishya, ihirwe n'uburumbuke. Bazabane mu migisha y'Uhoraho.

Kanda hano

 

irlande fr.jpg

Nyuma yo kwigizayo kabuhariwe Karim Benzema mw'ikipe izaserukira U Bufaransa, icyo gihugu (kimwe n'ibindi bizajya mu Burusiya guhatanirayo igikombe cy'isi c'umupira w'amaguru), gikomeje gukina match zo kwitegura no kwimenyereza.

Muri urwo rwego rero abahungu ba Didier Deschamps baraye batsinze ikipe ya Irlande ibitego bibiri kuri kimwe (ibitego bya O. Giroud na N. Fekir) mu mukino wari ukonje ukuntu.

Niba ari kuriya bazitwara, Benzema ntacyo yaba ahombye! Reka dutegereze indi mikino bazitegura bakina n'Ubutaliyana (kuwa gatanu) na Leta Zunze Ubumwe za Amerika (tariki 9).

Reba hasi aho uko kalendari iteye:

calendrier-coupe-monde.jpg

urukerereza_1-2-d66c1.jpg

Itorero ry’igihugu Urukerereza ryatumiwe mu gitaramo cy’inkera rizakorera mu Mujyi wa Bruxelles mu Bubiligi, rizataramira kuri Birmingham Palace ku itariki ya 13 Nyakanga 2018

Urukerereza ni itorero ndangamuco ry’Igihugu ryashinzwe mu mwaka wa 1974. Ntiryari rimenyerewe mu bitaramo byaryo bwite, ahanini ryitabiraga ibirori byo ku rwego rw’igihugu no gusakaza umuco w’u Rwanda mu mahanga.

Iri torero rizataramira mu Bubiligi mu gitaramo rizahuriramo n’umuhanzi Yvan Buravan na we uri mu bakora umuziki bakibyiruka ukundwa n’abatari bake muri iki gihe.

Igitaramo cyateguwe na Team Production ari nayo yatumiye aba bahanzi. Mu kiganiro na IGIHE, Justin Karekezi uyobora iyi kompanyi yavuze ko kuba bagiye kwakira Urukerereza ari ishema rikomeye.

Yagize ati “Twishimiye kwakira itorero ry’igihugu cy’u Rwanda mu Bubiligi, kuko ni ikintu gikomeye, ni inkingi y’umuco nyarwanda, kubabona bari hano bataramiye Abanyarwanda n’inshuti zabo ndizera ko bizanezeza benshi.”

Yongeyeho ati “Tunejejwe no kuba baratwemereye bakaza mu Bubiligi, ni ikimenyetso cy’urukundo bafitiye Abanyarwanda bahatuye kandi koko tuzabakirana urugwiro rwinshi. Si kenshi umuntu agira amahirwe yo gutaramirwa n’itorero ryo kuri ruriya rwego mu mahanga.”

Igitaramo cy’Itorero Urukerereza giteganyijwe ku itariki ya 13 Nyakanga 2018 ahitwa Birmingham Palace, 112-B muri Komine ya Anderlecht iherereye mu Murwa Mukuru w’u Bubiligi, Bruxelles. Igiciro cyo kwinjira ni 20€ ku bantu bazagura amatike mbere y’umunsi w’igitaramo nyir’izina.

http://igihe.com/imyidagaduro/article/itorero-urukerereza-na-buravan-bategerejwe-mu-bubiligi

 

shug.pngfooter.gifshug2.png