Iwacu

rayonsp.jpg

Abafana ba Rayon Sports ndetse n'abakunda ruhago y'iwacu bose bari mu byishimo kubera umuvumo iyo kipe ivaniyeho andi makipe yajyaga aserukira igihugu mu marushanwa mpuzamahanga.

Mu gukuramo Costa do Sol yo mu gihugu cya Mozambike bihaye Rayon itike yo gukomeza irushanwa ry'igikombe cya CAF, ibintu byasaga n'ibyananiranye kugeza ubu mu Rwanda.

Rayon rero ni iyo gushimirwa cyane nyuma yo guhabwa ibihano byo gucibwa amande no guhagarikirwa (imyaka 2) bamwe mu bayobozi bayo (Rukundo Patrick, Mudaheranwa Shaffy, Nkusi Jean Paul na Muhirwa Prosper).

Rayon rero yabyitwayemo neza kuko isomo yaritanze mu mukino ubanza ubwo Shaban Hussein Tshabala na Kevin Muhire batsindaga ibitego byatumye bajya Maputo biyizeye.

Iki gikombe wabona gihiriye rwose Rayon kuko ku makipe 16 ageze aho, 8 yose ni ubwa mbere ahageze : Aduana (Ghana), CARA Brazzaville (Congo), Williamsville (Cote d’Ivoire), UD Songo (Mozambike), El Masry (Misiri), la RS Berkane (Maroc), Gor Mahia (Kenya) nyine na Rayon Sports.

maxresdefault.jpg

Hasigaye ukwezi kumwe gusa ngo igitaramo gitegerejwe i Buruseli gikorwe n’abali Charly na Nina bafatanyije n’ubukombe Abdul Makanyaga. Bizaba ari inshuro ya kabiri abo bahanzi bakora urugendo kuva iwacu bakaza i Burayi gususurutsa abakunzi b’injyana yabo.

Abo banyarwandakazi uretse kuba ari na beza ku masura, bamaze no kuba ibyamamare ndetse na Africa iragenda ibamenya buhoro buhoro dore ko n'ibikomerezwa nka Davido wo muri Nigeria basigaye babiyambaza muri bimwe mu bitaramo bakora. 

Ubwo bazaga mu Bubiligi ku nshuro ya mbere icyumba cy !bitaramo cyaruzuye kandi ukuntu bakunzwe biratuma umuntu yavuga ko bazongera bakuzuza Birmingham Palace dore ko hazaba hanacuranze Mihigo Chouchou (umunyarwanda wenyine wacuranganye n’ikirangirire Papa Wemba akaba yaranaserutse vuba kuri stage imwe na Maître Gim’s muri Maroc).

Twashatse rero kumenya moral ya Charly na Nina uko yifashe ubu, nyuma yo gutandukana n’uwahoze ari Manager wabo. Tubinyujije kuri Team Production izabahagararira i Bruxelles, twababajije ingufu biyumvamo mbere yo guhuza urugwiro n’abafana babo. Dore uko badusubije :

moral.png

charly-nina-na-muyoboke.jpg

Muyoboke Alex yavuze ko yatunguwe n’icyemezo cy’aba bakobwa bamusezereye batamuteguje kandi bendaga kuvugurura amasezerano y’imyaka itanu bari bafitanye.

Yagize ati "Bambwiye ko bashaka kwikorera ariko reka tubitege amaso kuko njye ndakeka ko hari umuntu ubyihishe inyuma."

Hari amakuru yahise ahwihwiswa ku itandukana rye n’aba bahanzi, avuga intandaro ari uko bafashwe nabi ubwo bari mu gikorwa cyo kumurika indirimbo yabo "Try me" bamurikiye muri K-Club.

Ariko Muyoboke yabyamaganiye kure avuga ko nubwo yari yagiye i Burundi mu kindi gikorwa, yasize atunganyije ibyo yagombaga gukora kugira ngo igikorwa cyo kumurika iyi ndirimbo kigende neza.

Iyi nzu yashinzwe na Muyoboke Alex usanzwe umenyerewe mu byo gucunga inyungu z’abahanzi, harimo ibyo kubamenyekanisha no kubashakira ibitaramo.

Yari imaze imyaka itanu ikorana n’aba bahanzi bamaze kumenyekana mu karere u Rwanda ruherereyemo.

Mu itangazo bashyize ahagaragara ku mugoroba wo kuuri uyu wa Kabiri tariki 21 Gashyantare 2018, bavuze ko bagiye gushinga sosiyete yabo ikaba ari nayo izajya ikurikirana ibikorwa byabo.

Iryo tangazo rigira riti "Twiyemeje kwicungira ibikorwa byacu. Dushyiraho ikigo cyacu ari nacyo kizajya kiducungira ibikorwa by’ubuhanzi no kutumenyekanisha."

Bavuze ko bafashe iki cyemezo mu rwego rwo kugeza umuziki wabo ku rundi rwego.

http://www.kigalitoday.com/imyidagaduro/muzika/article/muyoboke-nawe-ngo-yatunguwe-n-isezera-rya-charly-nina-ivuguruye

 

shug.pngfooter.gifshug2.png