Mu Mahanga

van damme.jpg

Yagaragaye mu ma film menshi, cyane cyane arimo indwano kandi akenshi agatsinda. Ni mu gihe kubera Jean Claude Van Damme yari umusore kandi akaba n'umuhanga mu mukino wa karaté.

Ibyo ariko ngo ntibihagije ngo kuko uretse ubwo buhanga n'indi myitozo yakoraga, Van Damme yiyambazaga ibinini byitwa Rapiture muscle. Ngo ni ibitwika ibinure bikanongera ibigango by'ababifata.

Uwo mubiligi w'ikirangirire yavuze ko kubifata nta kibazo na gito bimutera kuko abakinnyi bose ngo barabifata i Hollywood ndetse n'abantu benshicyane bakora siporo bafata kuri ibyo binini.

Van Damme yabwiye umunyamakuru Ryan Hasman ukorera ESPN ko yumva abaye nka Superman iyo amaze gufata ibyo binini; ngo ubwonko bwe bunyaruka nk'umurabyo ndetse ngo n'abagore bishimira umugabo wabifashe ngo kubera impamvu yumvikana

 grace.png

Hari igihuha cyakwiriye mu minsi ishize ko umufasha w'uwahoze ari umukuru w'igihugu cya Zimbabwe Robert Gabriel Mugabe ariwe Grace Mugabe ngo yaba yarasabye gatanya.

Impamvu ababikwirakwije iyo nkuru bashyira imbere ngo Grace yababajwe no kwegura kw'umugabo we. Iyo nkuru ngo bakayikesha uwitwa Lawrence Brown ngo wari umuvugizi w'inzego z'ubucamanza. 

Icyo gihuha rero cyavugurujwe na George Charamba wahakanye ko uwo Brown atazwi mu bavugizi bo muri Zimbabwe.

Ikigo ntaramakuru cyitwa APRNEWS cyavuze iby'uwo Lawrence Brown si ubwa mbere gitangaza ibihuha, naho Grace si ubwa mbere ibinyamakuru bimwibasira.

Bamwita Gucci Grace kuko akunda ngo kurimba cyane akambara n'ibintu bihenze cyane, ariko nta divorce rwose uwo bita DisGrace yigeze yaka.

zenash-gezmu.jpg

Uwo mwari w'imyaka 27 akomoka muri Etiyopiya akaba yaregukanye imdali ya Marathon inshuro eshatu zose : muri 2017, 15 na 16.

Bamusanze iwe rero ahitwa Neuilly-sur-Marne mu gihugu cy'uBufaransa; hakaba hakekwa umugabo w'imyaka 28 ukomoka muri Eritreya wijyanye kuri polisi avuga ko yishe umugore. Polisi byayifashe igihe gutangiza dosiye kubera ururimi bagombaga gusemura.

Zenash Gezmu wari ufite uburebure bwa 1,50 n'ibiro 38 yazize kubura umwuka (asphyxie) akaba ashobora kuba yaranakubiswe kuko abaturanyi be bemeje ko bumvise urusaku mu nzu ye.

Autopsie niyo izatuma amakuru arambuye amenyekana kuko ukekwa yanze gusobanura icyamuteye kwica uwo muny'etiyopiya.

http://negronews.fr/zenash-gezmu-une-championne-de-marathon-retrouvee-morte/

 

B9714042064Z.1_20171206055542_000+G8PA9N5CF.2-0.jpg

Nyuma y'amezi arwana n'indwara yibasiye ibihaha bye, Jean Philippe Smet wamenyekanye ku mazina ya Johnny Hallyday yitabye Rurema mw'ijoro ryakeye.

Iyo kanseri bamutahuyemo umwaka ushize imuhitanye abakunzi be bacyizeye ko azabasha guhangana nayo akayitsinda.

Mu myaka 57 akora umuziki, uwo benshi bahimba "Idole des jeunes" abandi bakamwita "Elvis Presley w'Abafaransa" yakoze indirimbo nyinshi cyane, agurisha izigera kuri miliyoni 100.

Umwe mu bahungu be, David Hallyday nawe yigeze kuririmba ariko ntiyabikomeza nka se na nyina Sylvie Vartan nawe w'ikirangirire mu muziki. Johnny kandi yari n'umukinnyi wa sinema wakinnye mu mafilm menshi cyane.

Zimwe mu ndirimbo ze zizwi ni nka "Le Pénitencier", "Noir c'est noir", "Retiens la nuit", "Que je t'aime", "Gabrielle", "La musique que j'aime", "Ma gueule", "Quelque chose de Tennessee", "Allumer le feu", "Marie"...

Soma n'aha: http://www.europe1.fr/culture/ces-15-chansons-qui-ont-marque-la-carriere-de-johnny-hallyday-3512600#utm_campaign=Echobox&utm_medium=Social&utm_source=Facebook&xtor=CS1-15

https://www.nytimes.com/2017/12/05/obituaries/johnny-hallyday-dead-french-elvis.html

 

 

shug.pngfooter.gifshug2.png