Tubyibazeho

 shaddyboo.jpg

Muri Tanzaniya baherutse kwiyama abahanzi bagaragara bambaye utwenda (imyenda igaragaza zimwe mu ngingo z'ibanga z'umubiri). Kuva umukuru w'igihugu cyabo yabivuga hari ukwisubiraho kuri kugaragara ndetse bamwe mu bakorana hafi n'abo bahanzi nka Babu Tale (manager wa Diamond) arashima Leta kuba icyo kibazo cy'umuco yaragihagurukiye.

Muri Tanzaniya kandi hari abakoraga ibyo (kwambara ukuri) bagamije icyo mu giswayire bita "kiki", ni ukuvuga ikintu cyose wakora ngo ukunde uvugwe n'ibitangazamakuru cyangwa ugaragare cyane ku mbuga nkoranyambaga nka za Facebook na Instagram. Twabigereranya n'icyo bita "buzz" mu zindi ndimi.

Iwacu rero naho hari ababiboneyemo amaronko ngo "niho isi igeze". Umwe mu bazwi muri ako gakino ni umubyeyi witwa Mbabazi Shadia bita Shaddy Buzz, nako Shaddy Boo. Agira posting zitinyuka cyane, mbese zifite ka "odeur" ka buzz...

Ubu ikimuvugwaho ni uko ngo yaba yasubiranye na se w'abana be ngo akaba yiyemeje kureka kwigaragaza uko byari bisanzwe ngo abashe kurerera abana mu muco. Ikibazo: azabibasha kandi yaramenyereye urumuri rwa "réseaux sociaux"? Ahubwo se koko basubiranye cyangwa ni indi buzz Shaddy Boo yabonye ngo views ziyongere kuri channels ze?

Reba ako ka videwo yashyize kuri intagram (kanda aho hasi), ugire nawe icyo ubitutwiraho.

 

niyorick.jpg

Kuba iryoshye byo, indirimbo ni nziza rwose. Gusa ikibazo shuguli.com idasiba kwibaza ni: abahanzi bacu iyo basubiyemo (bakopeye, biganye) indirimbo z'abandi babiterwa n'iki? Kuzikunda? Kubura inganzo? Kugira igitekerezo mu gihe kimwe n'uzwi nka nyirayo? Gufatanya cyangwa kumvikana na nyirayo? Nta gisubizo difite kugez'ubu.

Twakunze kugaragaza hano kenshi ukuntu indirimbo isohoka ukumva isa n'indi nk'intobo maze ukibaza niba ari ubute bw'uwayisubiyemo, niba ari ibyo bita "cover" cyangwa niba ari gukopera bisanzwe. Kuko akenshi usanga nta kindi cyongeweho kigaragara ku buryo kuyitandukanya n'indi bitagorana.

amour.jpg

Nta kintu kibaho gishimisha umuntu kuruta igihe ari gukora ibintu akunda kurusha ibindi byose. Gusa akamaro ko gukora imibonano mpuzabitsina kenshi gashoboka kandi mu buryo bunoze ntibikunze guhabwa agaciro uko bikwiye. Dore impamvu 8 utagombye gusuzugura icyo gikorwa abakurambere bitaga guhabwa/gutanga urwuya. Kuko nibyo bintu byakubaho iyo uhagaritse kugira imibonano yo gukubita cyangwaa gukubitirwa ikintu :

Urarwaragurika (kurwara kenshi)

Ku muntu udakunze kwitabira icyo gikorwa, uburyo burinda umubiri (système immunitaire) bugira intege nke. Za mikrobe, bakteri ndetse na virus bishobora gukwirakwira mu buryo bworoheje mu mubiri, ibyo bikaba byatuma ibicurane na gripe byakwiha rugali mu buzima bw'umuntu. Byonyine gukora imibonano mu buryo bugaruka kenshi (régulièrement) bituma umubiri udakenera ibirwanya uturwara nka turiya tw'ibicurane !

mo.jpg

Diamond abinyujije ku rukuta rwe rwa Instagram yatangaje ko mu mpera z’iki cyumweru ari bube ari i Kigali agira ati” Rwanda, impera z’iki cyumweru ndaza kuba ndi i Kigali, muze dusangire, twifotozanye hanyuma munyereke umujyi wanyu”.

Aya magambo arahamya bidashidikanywaho ko uyu muhanzi w’icyamamare mu karere ari bube ari mu mujyi wa Kigali mu mpera z'iki cyumweru nubwo mu by'ukuri ikizaba kimuzanye atigeze agitindaho.

Mu bikekwa ko Diamond yaba aje gukora muri Kigali harimo kuba agiye kuza kwamamaza ubunyobwa bwe mu Rwanda bwa Karanga, cyangwa se akaba aje kugura inzu muri Kigali nkuko yabyivugiye mu minsi ishize ko yifuza kugura inzu muri Kigali.

Ikindi gikekwa ni uko Abul Nassib aka Diamond Platnumz yaba ari mu rugendo rwo kwitaza scandale yindi iri kumusatira ivuye ku nkuru zivuga ko we na Zanina Hassan bitameze neza kubera ko Diamond yaba yarongeye gutera undi mukobwa witwa Tunda Kisura inda n'ubwo nyamwali abihakana kugez'ubu.

Isomere aha:

https://www.nation.co.ke/lifestyle/showbiz/Tunda-not-carrying-Diamonds-child/1950810-4268372-30ulmj/index.html

https://www.youtube.com/watch?v=VE5aN0x_YTw

 

 

shug.pngfooter.gifshug2.png