IMG_20180115_182849.pngPLATNUMZ.jpg

Nk'uko yabitangaje muri uyu mugoroba abicishije ku rubuga rwa Instagram, Diamond Platnumz (Nassib Juma), umuririmbyi w'ikirangirire muri Tanzaniya no muri Africa, arifuza kugira inzu mu murwa mukuru w'u Rwanda i Kigali.

Munsi y'ifoto y'inyubako ya Kigali Convention Center, yanditse mu rurimi rw'icyongereza n'igiswayire agira ati "Ndi gushakisha inzu yo kugura muri Kigali. Icumbi rishya ry'Intare! Banyamuryango banjye, hari igitekerezo mwandusha? Nifuzaga kuba nagira akazu i Kigali mu Rwanda kubera ko ari kimwe mu bihugu nkunda. Ku bw'ibyo byangwa neza kuhagira naho inzu. Bavandimwe banjye muri i Kigali ni utuhe turere mubona twambera?"

Nyuma y'isaha imwe gusa, abantu bakabakaba 1000 bari bamaze gusoma ubwo butumwa no kumusubiza. Niba nawe hari icyo wafasha Diamond... wicikwa.

Ikigaragara ni uko U Rwanda rugezweho muri Tanzaniya nk'uko bigaragara mu ba star badasiba i Kigali (Ali Kiba) ndetse n'abandi bakaza kuhashaka abageni (AY). Igihugu ni ikigendwa, n'abandi bose bazakurikira dore ko visa zinjira zakuriweho abanyafrika benshi cyane.

Diamond Yaherukaga i Kigali muri Nyakanga umwaka ushize ubwo yaserukaga muri Rwanda Fiesta Show.

 

mondi.png

shug.pngfooter.gifshug2.png