Mu Binyamakuru

babou g.PNG

Nsabimana Emmanuel [Babou G] wamamaye mu Rwanda mu mashusho yamugaragazaga avuga imvugo zidasanzwe, yatawe muri yombi afatiwe mu Karere Gatsibo kubera ikibazo cy’ubuzererezi.

Imvugo “Mikafone”, “Ibaze nawe”, Salama wowe”, “Banza ubimenye mbere y’uko mbikubwira” ni amwe mu magambo yakoreshejwe cyane mu gihe gishize hanze aha, yamenyekanye cyane kubera umusore uzwi nka Babou G (Babuji).

Nyuma y’igihe nta kanunu ke, uyu musore amakuru agera kuri IGIHE aremeza ko yatawe muri yombi ku mugoroba wo ku wa Gatanu, tariki 11 Gicurasi 2018, aho acumbikiwe kuri Sitasiyo ya Polisi ya Kabarore mu Karere ka Gatsibo.

Umuvugizi wa Polisi mu Ntara y’Uburasirazuba, CIP Théobard Kanamugire, yemereye IGIHE ko Nsabimana Emmanuel wamamaye nka Babou G yafashwe nta byangombwa afite.

Yagize ati “Amakuru ahari ni uko ikibazo cye gikwiye kureberwa mu ishusho y’ubuzererezi gusa, nta kindi.”

Amakuru yavugaga ko Nsabimana wamenyekanye nka Babou G/Babuji yafashwe agurisha akabido ka Litiro eshanu karimo amazi mu cyimbo cy’amavuta, yanyomojwe na polisi.

Uyu musore wafatiwe mu Karere ka Gatsibo mu nzererezi adafite ibyangombwa yari yaturutse mu Murenge wa Nyakagarama wo mu Karere ka Kayonza.

Babou G yavuzwe cyane muri Kanama 2015, ubwo amashusho y’ikiganiro yagiranye n’umunyamakuru Yohani Umubatiza kuri TV10 yakwirakwizwaga hirya no hino ku mbuga nkoranyambaga bigatuma amwe mu magambo ye atangira gukoreshwa n’abahanzi ndetse bamwe bakambara imyenda agaragaraho kubera ubwamamare yagize mu gihe cyihuse.

Ntibyatinze ariko abantu banyuranye batangira kubirwanya cyane cyane abababazwaga n’uburyo yahise yamamara kandi nta kintu gitangaje yakoze.

Ni inkuru ya igihe.com

 

 

 

char nina bb cool.jpg

Nta cyumweru gisigaye bagasesekara mu murwa mukuru w'Ububiligi aho bategerejwe n'abakunzi babo.

Charly na Nina bafatanije na Makanyaga Abdul bazaba bari muri Birmingham Palace mu gususurutsa abakunzi b'umuziki nyarwanda.

Uwo mugoroba uzaba urimo na tombala y''itike y'indege. Mbere yibyo byose ariko, Charly na Nina bakoranye indirimbo yitwa "I Do" n'umucuranzi wo muri Uganda Moses Ssali uzwi ku mazina ya Bebe Cool.

Ni indirimbo y'urukundo ishobora kuzagira ibihe byiza mu ma médiathèque na discothèques nyinshi. 

 

shadbuzz.jpeg

Mu kiganiro yagiranye na Kigalitoday Radio mu kiganiro KT Idol ubwo yari abajijwe ibanga akoresha ngo agere ku byamamare byose biza mu Rwanda, Mbabazi Shadia wamamaye ku izina rya Shaddyboo yagize ati”Urumva imbuga nkoranyambaga zikugira icyamamare, sinzi uko nabivuga gusa iyo uzwi uba uzwi nabo ubwabo baba banzi sinjyewe uba ubazi.”

Screenshot_2016-04-24-15-17-44-1-383x231.png

Yayise "L’histoire de Papa Wemba", ikazamara iminota 120 (amasaha abiri). Iyo ni film umusore w'umufaransa ukomoka muri Congo witwa Elvis Adidiema yakoze ku buzima bwa Papa Wemba witabye Imana hashize imyaka ibiri. Iyo film irerekanwa uyu wa mbere tariki ya 23 mata 2018 mu mugi wa Brazzaville mbere yo kwerekanwa  ku ma televiziyo nka Trace na France Ô guhera tariki 24 mata, umunsi nyakwigendera yapfiriyeho...

Elvis Adidiema yahisemo gutangiza film ye igice (scène) y'aho Papa Wemba yaviriyemo umwuka. Uwo munsi mw'ijoro, icyo gihangange kimaze kwitaba Rurema,itsinda rye Viva La Musica ryasubiye kuri scène ya Femua (Festival des musiques urbaines d’Anoumabo), mu majy'epfo y'umugi wa Abidjan, umurwa amukuru wa  Côte  d'ivoire. 

Jules Shungu Wembadio Pene Kikumba (niyo mazina ye nyayo) yari afite imyaka 66 gusa. Akiriho ariko uwo muhanzi yari afite ijwi riryohera amatwi bamwe bakarigereranya n'iry'inyoni izi kurrrimba yitwa Rossignol. Niwe watumye Rumba y'abanyekongo irenga imipaka y'igihugu cyabo kavukire. Muri iyo film humvikanamo ko papa wemba yanditse amateka y'umuziki nyafrika.

Elvis Adidiema, w'imyaka 30 agerageza kwerekana, yibutsa ubuzima bwite n'ubwo guhanga bwa nyakwigendera. « Ni ubushake bwo kugaragaza ibyo yakoze akiriho, no kubiha urumuri bikwiriye". Uwo musore nawe ni "umutetela" nka Papa Wemba wari unamubereye nyirarume. Aravuga ko mu bantu yitegerezaga cyane harimo Papa Wemba: indirimbo ze, imyambarire ye (yari umwami wa Sape), yari afite uruhare mu buzima bw'anbanyekongo baba abo mu gihugu cyangwa abo muri diaspora.

" Niba uyu munsi hari ababonamo Jay Z na beyoncé icyitegererezo, njyewe uwa mbere watumaga nibaza byinshi ni Papa wemba washoboraga kuira influence mu buzima bw'urungano rwanjye rwose". Ayo magambo ni aya Roger Musandji, umuyobozi mukuru w'ikinyamakuru gisohokera i Paris cyitwa Œil d’Afrique, Uretse ubwo bihamya iyo film irimo n'ibiganiro  uwayikoze yagiranye n'abantu bamenye "Vieux Bokul" (ni kamwe mu tuzina twinshi twa Papa wemba", harimo (muri iyo film) n'abantu bamwemeraga nka Lokua Kanza, Ferre Gola, n'abandi benshi.

Umupfakazi wa papa Wemba, Marie-Rose bita " Amazone " nawe aratanga ubuhamya butari bwarigeze butangwa ku buzima bw'uwahoze ari umufasha we, ndetse no ku myaka y'ubuhanzi y'uwabanje kwiyita Jules Presley. Gukora iyo film byatwaye umwaka n'igice none irashyize irerekanwe mu muhezo muri Hotel Radisson y'i Brazzaville mbere y'uko benshi tuyibona kuri ma televiziyo nka France Ô na TV5 mu kwezi kwa Nyakanga. 

 

shug.pngfooter.gifshug2.png